Мектепте зиянды заттарды тұтынудың алдын алуға байланысты онкүндік өткізілді. Кітапханада «Нашақорлық-ғасыр дерті» атты бұрыш ұйымдастырылып кітапханашы Сарбиназ Байбатырқызы оқушылармен ұғындыру жұмыстарын жүргізсе, медбике Қарлығаш Джангелдіқызы 5-8 сынып оқушылары арасында оқушылардың өз ойларын дамыта, олардың көзқарасын қалыптастыра отыра дөңгелек үстел ұйымдастырды. Аталмыш шарада мектеп психологі Азамат Сансызбайұлы, әлеуметтік педагог Кенжебай Әшімғалиұлы «Өзіңді өмір үшін сақта» атты бейнероликтер 8-11 сынып оқушылары арасында көрсетіп, талқыға салса, тіл мамандары Алмагүл Сұлтанқызы және Самал Қабашқызы оқушы ойларының «Ғасыр дерті» тақырыбындағы жазба жұмыстарын жүргізді. Онкүндік қорытындысы «Біз өмірді қалаймыз» атты спорттық шараға ұласты.