Жылы тілектің мейірімді , таза жүректен шығатынын әрбір шәкірт көңіліне сіңіре отыра Тургунбай Туякович  " Алғыс айту" күні қарсаңында тәрбие сағатын өткізді. Сабақ барысында оқушылар мейірім, шапағат ұғымдарын терең зерделеп, өз алғыстарын жеткізді

7 сынып оқушылары Ұлы Абайдың жетінші қара сөзіндегі " Жас бала дүниеге келгенде екі түрлі мінезбен туады..." деген жолдардан бастап өз ойларын ақын ойымен ұштастырды. Талдау барысында өздерін тоғышарлық пен артық мінезден алшақ ұстауға, білімқұмарлыққа әуес болуға үйренді. Сынып жетекшілері Мейрам Толегенович әр тұлға жүрегіне көркем шығарманың пайдалы тұстарын терең ұялатты.

Самал Кабашовна мен Асемгуль Зейнуллиновна оқушыларының орындауындағы шығарманы тыңдату арқылы тыңдау дағдыларын жетілдіріп, шығарма арқылы мәнерлеп оқу дағдыларының дамуына жетеледі.

Бірыңғай тәрбие сағаттары түрлі формаларда өткізіліп, жеке тұлғаның оқу сауаттылығының жоғары болуына бағытталды. мектеп кітапханасында Сарбиназ Байбатыровна оқушылардың жас екрекшелігіне қарай оқитын көркем әдебиет таңдауларына үнемі бағыт бағдар беріп отырады. Әр шығарманың  құнды тұстары арқылы олардың зияткерлік, оқу мәдениетін жетілдіру мақсатында 6 сынып оқушыларымен " барлығымыз оқимыз" атты шара өткізді. Оқушылардың сынып жетекшісі Айслу Ислямовна тәрбиеленушілерді көркем әдебиетті оқу арқылы өзін өзі дамытуға бағыттады.

"Барлығымыз оқимыз" сағаттары оқушылардың мәнерлеп оқу дағдыларын жетілдіріп, көркем шығармаларды оқуға, ізденіске жетелей түсті. З сынып оқушылары Сарбиназ Байбатыровна мен Баршын Жылқайдарқызы бірлесе ұйымдастырған поэзия, проза жанрлары туындыларын оқып тыңдау арқылы оқу мәнерлерін жетілдірсе , 5 сынып оқушылары сынып жетекшілері Марал Думановнамен бірлесе "Ыбырай Алтынсариннің "Білгеннің пайдасы" әңгімесін оқып, талдады.

Сынып жетекшілер тақырыптық сынып сғаттарын түрлі формаларда жүргізді. адалдық пен шыншылдық адами құндылықтардың басты негізі екенін 3 сынып жетекшісі Баршын Жылкайдаровна ерекше ұғындырды. Әңгіме барысында оқушылар өмірмен сабақтастыра өз ойларын да ортаға салды.

Алғашқы әскери дайындық пәнінің жетекші-ұйымдастырушысы Бауржан Каиржанович жоғары буын оқушылары арасында өскелең ұрпақ бойында адалдық, шыншылдық, әділет пен сенім құндылықтарын ұялату мақсатында сыныптан тыс сағат ұйымдастырды.  Жеткіншектер өз жауапкершіліктерін терең сезініп, адалдықтың өмірде басты құндылық екенін саналарына сіңірді.

4 сынып оқушылары кітаптың адам өмірінде алар орнын, оны оқи отыра жеткіншектің ой өрісінің дамып жетілетінін сынып жетекшілері Тургунбай Туяковичпен бірлесе ұғындырып . баршаны көркем әдебиет оқуға үндеді